حکومت کی جانب سے پیٹرولیم مصنوعات کی قیمتوں میں ایک بار پھر اضافہ کردیا گیا ہے اور اس نئی قیمت کا اطلاق آج رات 12 بجے سے ہوجائے گا-
اسلام آباد میں منعقد ہونے والی پریس کانفرنس میں وزیر خزانہ اسحاق ڈار نے
بتایا کہ پیٹرول اورڈیزل کی قیمت میں ایک روپے فی لیٹر اضافہ کیا گیا ہے جبکہ مٹی
کے تیل اور لائٹ ڈیزل کی قیمت میں کوئی ردو بدل نہیں کی گئی-
اس کے علاوہ اسحاق ڈار کا یہ بھی کہنا تھا کہ اپریل کے مہینے میں پیٹرولیم مصنوعات
کی مد میں 3 ارب روپے کا اضافی بوجھ حکومت برداشت کرے گی-
یاد رہے کہ گزشتہ ماہ بھی حکومت کی جانب سے پیٹرول کی قیمت میں ایک روپے 71 پیسے جب
کہ ڈیزل کی قیمت میں ایک روپے 52 پیسے فی لیٹر اضافہ کیا گیا تھا۔