لاہور کے علاقے بیدیاں روڈ پر مردم شماری کی ٹیم پر ہونے والے ایک خود کش حملے کے نتیجے میں پاک فوج کے 4 جوانوں سمیت 6 افراد شہید جبکہ متعدد افراد زخمی ہو گئے۔
دھماکہ اتنا شدید تھا کہ اس کی آواز دور تک سنی گئی جبکہ اردگرد موجود گاڑیوں
اور عمارتوں کو بھی دھماکے کی وجہ سے نقصان پہنچا ہے۔
مردم شماری کی ٹیم پر خودکش حملہ اس وقت کیا گیا جب اساتذہ اور پاک فون کے جوان
اپنے فرائض کی انجام دہی کے آغاز کے لیے گاڑی میں بیٹھ کر نکلے ہی تھے- ایک خودکش
حملہ آور نے خود کو ٹیم کے گاڑی قریب لے جاکر اڑا لیا-
اس افسوسناک واقعے میں پاک فوج کے 4 جوانوں سمیت 6 اہلکار شہید ہوئے- شہید ہونے
والے 3 اہلکاروں کی شناخت ریاض، ساجد اور عبداللہ کے ناموں سے ہوئی ہے۔