اپنے سب سے بڑے حج آپریشن کے دوران ایئرلائن نے تقریباً 49,000 عازمین حج کو سعودی عرب سے وطن واپس پہنچایا
کراچی،06اکتوبر،:2017 شاہین ایئر انٹرنیشنل نے اپنا بعد از حج آپریشن 05اکتوبر
2017 کو کامیابی سے مکمل کر لیا ۔یہ حج آپریشن ایئر لائن کی تاریخ کا سب سے بڑا حج
آپریشن تھا جس کے دوران ایئرلائن نے تقریباً 49,000عازمین حج کو سعودی عرب کے شہروں
جدہ اور مدینہ سے ملک کے مختلف شہروں تک پہنچایا۔
بعد ازحج آپریشن 06ستمبر،2017کو شروع ہوا تھا۔
اس حج آپریشن کے دوران جدہ سے کل 111پروازوں کے ذریعے 25,148عازمین حج کو پاکستان
لایا گیا جن میں سے 16پروازیں اسلام آباداور16پروازیں پشاور کے لیے، 32پروازیں
کراچی کے لیے،لاہور کے لیے 14پروازیں، فیصل آباد کے لیے 18پروازیں، کوئٹہ کے لیے
14پروازیں، جبکہ ملتان کے لیے 01پرواز تھی۔
مدینہ سے 95پروازوں کے ذریعے 23,018عازمین حج کو ملک کے مختلف شہروں تک پہنچایا گیا
جن میں سے 14پروازیں اسلام آباد کے لیے ، 22 پروازیں کراچی کے لیے، 15لاہور کے لیے،
13پشاور کے لیے،18کوئٹہ کے لیے، 12فیصل آباد کے لیے اور 01 پرواز ملتان کے لیے تھی۔
حج آپریشن کی کامیاب تکمیل پر تبصرہ کرتے ہوئے کمپنی کے چیف مارکیٹنگ آفیسر، زہیب
حسن نے کہا،’’عازمین حج کو سفر کی سہولت فراہم کرنا شاہین ایئر کے لیے ایک اعزاز
ہے۔ہم نے یہ خصوصی پروازیں حج کے بابرکت فرض کی ادائیگی کے لیے پاکستان سے سعودی
عرب کی مقدس زمین کا سفر کرنے والوں کے لیے چلائی تھیں۔ اسی جذبہ کے ساتھ ہم یہ عہد
کرتے ہیں کہ اپنی قوم کی خدمت اسی مثالی میزبانی کے ساتھ کرتے رہیں گے جو مقامی
ایوی ایشن انڈسٹری میں ایک بینچ مارک بن چکی ہے۔ ـ‘‘
گزشتہ برس شاہین ایئرکوڈائریکٹوریٹ جنرل آف حج -پاکستان کی جانب سے حج آپریشن
2015کامیابی سے مکمل کرنے پر تعریفی سند اور ایوارڈ آف ایکسیلنس سے بھی نوازا گیا
تھا۔