اعلیٰ ثانوی تعلیمی بورڈ کراچی نے اعلان کیا ہے کہ سائنس پری انجینئرنگ، سائنس جنرل اور کامرس پرائیویٹ گروپس سال اول 2017ء کے اسکروٹنی فارم بروز بدھ 20 دسمبر 2017ء سے بروز جمعہ 19 جنوری 2018ء تک وصول کیے جائیں گے، بورڈ کے جاری کردہ نوٹیفکیشن نمبر BIE/Scrutiny/148/2017 کے مطابق اپنے پرچوں کی اسکروٹنی کروانے کے خواہشمند طلباء اپنے اسکروٹنی فارم متعلقہ سیکشن سے ضروری تصدیق کے بعد درج بالا تاریخوں میں بورڈ آفس میں واقع حبیب بینک لمیٹڈ کے بوتھ میں جمع کرواسکتے ہیں، تاریخ گزرنے کے بعد کوئی فارم قبول نہیں کیا جائے گا۔
علاوہ ازیں سائنس پری انجینئرنگ اور سائنس جنرل گروپس کے طلباء کی مارکس شیٹس ان
کے کالجوں کوبھیج دی گئی ہیں جبکہ کامرس پرائیویٹ کے طلباء کی مارکس شیٹس ان کی
جانب سے دیئے گئے پتوں پر روانہ کردی گئی ہیں۔