اعلیٰ ثانوی تعلیمی بورڈ کراچی نے اعلان کیا ہے کہ انٹرمیڈیٹ حصہ اول و دوم کے ضمنی امتحانات برائے 2017ء کے سائنس پری میڈیکل، پری انجینئرنگ، سائنس جنرل اور آرٹس ریگولر گروپس کے عملی امتحانات بروز جمعرات 4 جنوری 2018ء سے شروع ہورہے ہیں۔
بورڈ کی جانب سے جاری کردہ نوٹیفکیشن نمبر BIE/SC-PR/205/2017 کے مطابق
عملی امتحانات کے لئے سائنس پری میڈیکل، پری انجینئرنگ اور سائنس جنرل گروپس کے
طلبہ کا سینٹر جناح گورنمنٹ کالج ناظم آبادمیں، آرٹس ریگولر گروپ کے طلبہ کا سینٹر
اسلامیہ گورنمنٹ آرٹس اینڈ کامرس کالج نمبر ون (مارننگ) میں اور طالبات کے تمام
گروپس کا سینٹر سرسید گورنمنٹ گرلز کالج ناظم آباد میں بنایا گیا ہے۔ عملی امتحانات
میں شرکت کے خواہشمند اور اہل طالب علموں کو ہدایت کی گئی ہے کہ وہ عملی امتحانات
کا پروگرام 4جنوری 2018ء سے قبل حاصل کرلیں۔