کل سے کوارٹر فائنل مرحلے کے سنسنی خیز میچز کا آغاز ہوگا
پاکستان کے دارلحکومت اسلام آباد کے ایم آئی سی اور بھٹو گراؤنڈ پر گلوبل زلمی
لیگ کے میچز کا سلسلہ جاری ہے ۔ لیگ کے ساتویں روز کھیلے گئے پہلے میچ میں امریکہ
کی اسٹیٹس زلمی نے مسلسل تیسری کامیابی حاصل کرتے ہوئے جوہانسبرگ زلمی کو 8وکٹوں سے
ہرادیا ۔ اسٹیٹس زلمی نے 153رنز کا ہدف پندرہ اعشاریہ چار اوورز میں حاصل کیا ۔ ایک
اور میچ میں مانامہ زلمی نے الریاض زلمی کو 18رنز سے ہرادیا ۔ مانامہ زلمی نے پہلے
بیٹنگ کرتے ہوئے عمران بٹ کے 53رنز کی بدولت سات وکٹوں پر 180رنز بنائے ۔ جواب میں
الریاض زلمی کی ٹیم 162رنز بناکر آؤٹ ہوگئی ۔ ماجد عباسی نے فاتح ٹیم کی جانب سے
تین وکٹیں حاصل کیں۔ دن کے تیسرے میچ میں دبئی زلمی نے وکٹوریہ زلمی کو 20رنز سے
ہرادیا ۔ دبئی زلمی نے پہلے بیٹنگ کرتے ہوئے 2وکٹوں پر 238رنز بناڈالے۔ رحمان گل نے
صرف 46گیندوں پر 103رنز بنائے۔ جواب میں وکٹوریہ زلمی نے 239رنز کے ہدف کے تعاقب
میں بھرپور ہمت دکھائی لیکن 9وکٹوں کے نقصان پر 218رنز ہی بناسکی ۔ جمعرات سے لیگ
کا کوارٹر فائنل مرحلہ شروع ہوگا ۔ پہلے کوارٹر فائنل مکیں دبئی زلمی کا مقابلہ
مانامہ زلمی اور دوسرے کوارٹر فائنل میں کابل زلمی کا مقابلہ وینکوور زلمی سے ہوگا۔
تیسرے کوارٹر فائنل میں اسٹیٹس زلمی اور الریاض زلمی مدمقابل جبکہ چوتھے کوارٹر
فائنل میں انچیون زلمی اور لندن زلمی آمنے سامنے ہوں گے