بھارتی کرکٹ ٹیم کے مایہ ناز کپتان ویرات کوہلی کی انڈین پریمئر لیگ (آئی پی ایل) کا میچ شروع ہونے سے قبل گراؤنڈ میں بیٹھ کر منفرد انداز میں ڈانس کی ویڈیو نے سوشل میڈیا صارفین کو بھرپور لطف اندوز کیا۔
کرکٹ کے شائقین نے انڈین پریمیئر لیگ (آئی پی ایل) کے میچ سے قبل گراؤنڈ میں کپتان ویرات کوہلی کا الگ ہی روپ دیکھا جس کی ویڈیو سوشل میڈیا پر تیزی سے وائرل ہورہی ہے۔
ویرات کوہلی کی ویڈیو میں دیکھا جا سکتا ہے کہ وہ میدان میں ورزش کے دوران بالکل بے فکری کے انداز میں ڈانس کر رہے ہیں۔
کوہلی کے رقص پر صارفین کی جانب سے دلچسپ تبصرے کئے جا رہے ہیں۔
ویرات کوہلی کی اس ویڈیو پر ایک صارف نے دلچسپ تبصرہ کرتے ہوئے لکھا کہ انوشکا نے کوہلی کے ساتھ کیا کر دیا۔
امِّ فاطمہ نامی صارف لکھتی ہیں کہ ویرات کوہلی بینڈ باجا بارات دیکھنے کے بعد۔
ایک اور ٹوئٹر صارف سونالی ٹھاکر نے مزاحیہ تبصرہ کرتے ہوئے لکھا کہ ویرات کوہلی کا ڈانس جو انہوں نے اپنے سنگیت پر کیا ہی نہیں۔