گزشتہ ہفتے ملکہ برطانیہ الزبتھ کے شوہر شہزادہ فلپ 99 برس کی عمر میں انتقال کر گئے تھے جس کے بعد برطانوی شاہی خاندان میں سوگ کا سماء رہا۔
لیکن اب سوال یہ پیدا ہوتا ہے کہ شہزادہ فلپ کا لقب اب کس کو منتقل ہوگا؟
غیر ملکی میڈیا رپورٹ کے مطابق شہزادہ فلپ کے بعد ڈیوک آف ایڈنبرا کا لقب ان کے سب سے چھوٹے صاحبزادے، ارل آف ویسیکس شہزادہ ایڈورڈ کو منتقل ہوگا لیکن یہ اس وقت ممکن نہیں ہو سکتا جب تک ملکہ برطانیہ اپنا تخت شہزادہ چارلس کو منتقل نہ کر دیں۔
شہزادہ ایڈورڈ اور سوفی رائس جونز نے 1999ء میں شادی کی، اُس وقت انہیں ویسیکس کا ارل اور کاؤنٹس کا لقب دیا گیا تھا لیکن اب بکنگھم پیلس کی جانب سے بھی اعلان کیا گیا ہے کہ ایڈورڈ ایک دن اپنے والد کے بعد ڈیوک آف ایڈنبرا کی حیثیت کامیابی حاصل کریں گے۔
شہزادہ ایڈورڈ کو یہ اعزاز دینے کا فیصلہ ڈیوک آف ایڈنبرگ کے ایوارڈ پروگرام میں ان کے فلاحی کام اور ان کے عزم کو تسلیم کرتے ہوئے کیا گیا تھا، ایڈورڈ ڈیوک آف ایڈنبرا انٹرنیشنل ایوارڈ کے چیئرمین بھی ہیں۔
جارج ششم نے جب 1947ء میں فلپ کو یہ لقب دیا تھا تو اس وقت جاری کردہ پیٹنٹ کو مدنظر رکھتے ہوئے شہزادے کے بڑے بیٹے کی حیثیت سے، پرنس آف ویلز،پرنس چارلس کو ڈنک آف ایڈنبرا کا خطاب حاصل ہوا۔
غیر ملکی میڈیا رپورٹس کے مطابق اب شہزادہ چارلس کو ملکہ برطانیہ کا تخت حتمی طور پر منتقل ہونے کے بعد ڈیوک آف ایڈنبرا کا لقب شہزادہ ایڈورڈ کو دیا جائے گا۔