پٹرول اور ڈیزل کی قیمت میں اضافے سے متعلق اوگرا نے سمری وفاقی حکومت کو بھجوا دی ہے۔
ذرائع کے مطابق اوگرا کی جانب سے پیٹرولیم مصنوعات میں اضافے کی سمری وفاقی حکومت کو ارسال کردی ہے، سمری میں اوگرا کی جانب سے پیٹرول کی قیمت میں 4 روپے 20 پیسے جبکہ ہائی اسپیڈ ڈیزل کی قیمت میں 3 روپے 50 پیسے اضافے کی تجویز دی گئی ہے۔
اوگرا کی جانب سے پیٹرولیم مصنوعات میں اضافہ عالمی خام تیل کی قیمتوں میں اضافے کے پیش نظر کیا گیا ہے۔
واضح رہے کہ سمری کو منظور کرنے یا مسترد کرنے کا اختیار وزیر اعظم عمران خان کو ہے، اگر سمری منظور ہو جاتی ہے تو اس سمری کا اطلاق 16 جون سے ہوگا۔