کہتے ہیں ایک باپ کے لئے سب سے بھاری بوجھ جوان بیٹے کا جنازہ ہوتا ہے۔ یہ بوجھ کاندھوں کا نہیں بلکہ دل کا ہوتا ہے. جس بیٹے کو پال پوس کر محبت سے بڑا کیا ہو اور جب اس کی خوشیاں دیکھنے کا وقت آئے تو وہ دنیا سے چلا جائے، ایک باپ کے لئے اس سے درد ناک بات بھلا کیا ہوسکتی ہے؟ ایسا ہی واقعہ مولانا طارق جمیل کے ساتھ پیش آیا جب پرسوں شب ان کے صاحبزادے عاصم جمیل گولی لگنے سے جان کی بازی ہار گئے. مولانا اللہ کی رضا میں راضی تو ہوگئے لیکن جوان بیٹے کی موت پر اپنے آنسو نہ روک سکے اور مسلسل روتے رہے.
اس ویڈیو میں مولانا بیٹے کی قبر کو تک رہے ہیں. وہ قبر جس میں ان کا لاڈلا اب ہمیشہ کے لئے دفن ہوجائے گا.
دنیا بھر میں دین کے حوالے سے شہرت رکھنے والے مولانا طارق جمیل کتنی ہی بڑی ہستی کیوں نہ ہوں لیکن بیٹے کی موت نے ان کو غم سے نڈھال کردیا ہے اور اس وقت وہ صرف ایک بے بس باپ ہیں۔
مولانا کے اس دکھ نے دنیا بھر میں موجود ان کے کروڑوں مداحوں کی آنکھیں اشکبار کردی ہیں.