گذشتہ روز احمد شاہ اور ان کے اہلخانہ کے لیے بہت سخت تھا کیونکہ ان کا ہر دل عزیز ننھی بہن عائشہ ان سے ہمیشہ کے لیے جدا ہوگئی۔ احمد شاہ کی بہن کے انتقال پر وسیم بادامی بھی افسردہ ہوگئے ہیں۔ اینکر پرسن وسیم بادامی کی احمد کی مرحوم بہن عائشہ کے ساتھ ایک ویڈیو بھی سوشل میڈیا پر زیر گرش ہے جس میں اسے گود میں لیے کھلا رہے تھے۔
وسیم بادامی کا عائشہ کی وفات پر ویڈیو پیغام سامنے آیا ہے۔ وسیم بادامی نے ویڈیو پیغام میں کہا کہ ہمارے رمضان ٹرانسمیشن کی جان احمدشاہ کی چھوٹی بہن کا انتقال ہوگیا ہے ، کچھ لمحات قبل اس کی تدفین عمل میں لائی گئی ہے۔
ان کا کہنا تھا کہ عائشہ کی عمر سوا سال تھی، میری عائشہ کے اہلخانہ سے بات ہوئی جو شدید غم میں ہیں رو رہے ہیں انہوں نے آپ سب سے گزارش کی ہے کہ انہیں دعاؤں میں یاد رکھیں۔
وسیم بادامی نے بتایا کہ ان کی فیملی بہت خوش تھی کہ خاندان میں بیٹوں کے بعد ایک بیٹی پیدا ہوئی ہے ، احمد ، عمر اور ابو بکر اپنی چھوٹی بہن کو بہت پیار کرتے تھے، کل عائشہ کی طبعیت خراب ہوئی اور پھر انتقال کر گئیں۔