کینیڈا پاکستان اور بھارت سمیت کئی ترقی پذیر ممالک کے عوام کیلئے انتہائی پرکشش ملک سمجھا جاتا ہے اور کینیڈا میں رہائش مہنگی ہونے کی وجہ سے لوگوں کو مشکلات بھی پیش آتی ہیں تاہم ایک کینیڈین خاتون نے اپنا آدھا بستر کرائے پر دینے کی پیشکش کردی ہے۔
کینیڈا کی مہنگی ترین ہاؤسنگ مارکیٹ ٹورنٹو میں ایک خاتون نے اپنے بستر کا آدھا حصہ کرائے پر دینے کیلئے فیس بک مارکیٹ پلیس پر اشتہار لگایا ہے جو سوشل میڈیا پر توجہ کا مرکز بن گیاہے۔
پوسٹ میں بتایا گیا تھا کہ ماسٹر بیڈ روم میں کنگ سائز کا بیڈ شیئر کرنے کے لیے ایک خاتون روم میٹ کی تلاش ہے، خاتون 900 کینیڈین ڈالرز ماہانہ میں اپنا آدھا بستر کرائے پر دینے کی پیشکش کر رہی ہیں۔
سوشل میڈیا صارفین نے اس منفرد اور دلچسپ اشتہار پر حیرانی کے ساتھ ساتھ دلچسپ کمنٹس بھی کئے ہیں جبکہ کچھ لوگوں نے کینیڈا میں مہنگی رہائش کے مسئلے کو بھی اجاگر کیا۔
یاد رہے کہ کینیڈا کے شہر ٹورنٹو میں معیار زندگی اور رہائش کی سہولیات پورے ملک سے زیادہ بہتر ہیں اور یہاں مکانوں کے کرائے بھی زیادہ ہونے کی وجہ سے لوگوں کیلئے یہاں رہائش لینا بہت مشکل سمجھا جاتا ہے۔