جی ٹی آر ٹائر کے اشتراک سے کلیوال زلمی لیگ کے تیسرے ایڈیشن میں خیبر پختونخواہ کے چونتیس ڈسٹرکٹس کی پانچ سو سے زائد ٹیمیں شریک ہوگی۔
گراس روٹ لیول اور نوجوانوں کو صحت مندانہ سرگرمی فراہم کرنے کے لیے پشاور زلمی کلیوال زلمی لیگ جیسی سرگرمیاں جاری رکھے گی.
خیبر پختواہ کا سب سے بڑا اور مقبول ٹیپ بال ٹورنامنٹ زلمی کلیوال لیگ کا میلہ کل سے شروع ہوگا۔ گزشتہ دو ایڈیشن کی طرح اس بار بھی کلیوال زلمی لیگ کے لیے شاندار رسپانس دیکھنے کو ملا۔ زلمی ڈیجیٹل پلیٹ فارم پر پوسٹ کیے گئے لنک پر خیبر پختونخواہ بھر سے پانچ سو سے زائد ٹیمز نے رجسٹریشن کرائی۔
ان پانچ سو ٹیموں کے درمیان میچز سات دسمبر سے خیبر پختونخواہ کے تمام چونتیس ڈسٹرکٹس میں شروع ہوں گے۔ دوسرے مرحلے میں آٹھ ڈویژن کی ٹاپ ٹیمز فائنل مرحلے میں شریک ہوں گی۔ پشاور زلمی کے چیرمین جاوید آفریدی نے کہا کہ پشاور زلمی گراس روٹ لیول بشمول گلی محلوں اور میدانوں کی سطح پر خیبر پختونخواہ کے نوجوان کرکٹرز کو صحت مندانہ سرگرمیاں فراہم کرنے کے لیے کوشاں ہیں۔
کلیوال زلمی لیگ کے انعقاد کا مقصد پورے خیبر پختتونخواہ کے تمام چھوٹے بڑے شہروں، گاوں دیہات کے نوجوانوں میں کھیلوں کا شوق بیدار کرنا اور اسپورٹس کلچر کو فروغ دینا ہے۔ جاوید آفریدی نے کہا جہاں زلمی ٹیلنٹ ہنٹ سے خیبر پختونخواہ میں چھپے ٹیلنٹ تک پہنچے وہیں کلیوال زلمی لیگ کے زریعے تمام صوبے کے نوجوان کرکٹرز کو مل بیٹھنے اور کھیلنے کا موقع فراہم کررہے ہیں ۔ بہترین نوجوان کرکٹرز یہاں اچھی کارکردگی دکھاکر مزید آگے بڑھ سکتے ہیں۔