کراچی کے علاقے عائشہ منزل کے قریب آگ سے متاثرہ رہائشی عمارت سے ایک اور لاش نکال لی گئی، افسوسناک واقعے میں جاں بحق افراد کی تعداد 5 ہو گئی ہے۔
ریسکیو ذرائع کے مطابق متوفی دم گھٹنے اور جھلسنے سے جاں بحق ہوا، لاش شاپنگ مال کی پہلی منزل سے ملی ہے جس کو اسپتال منتقل کر دیا گیا ہے۔
دوسری جانب سندھ بلڈنگ کنٹرول اتھارٹی (ایس بی سی اے) نے متاثرہ عمارت کو سیل کر دیا ہے۔
عمارت کے داخلی راستے پر پولیس کے جوان تعینات کر دئے گئے ہیں۔
اس حوالے سے ایس بی سی اے کا کہنا ہے کہ عرشی سینٹر کی عمارت کو سیل کر دیا گیا ہے، معائنے کے بعد فیصلہ کریں گے کہ بلڈنگ استعمال کے قابل ہے یا نہیں۔
ترجمان ایس بی سی اے نے بتایا کہ ڈپٹی کمشنر سینٹرل کی ہدایت پر شاپنگ سینٹر کی عمارت کو سیل کیا ہے، سیل کرنے کا مقصد کوئی شخص اندر داخل نہ ہو سکے۔
متاثرہ عمارت میں 250 سے زائد دکانیں اور تقریباً 450 رہائشی فلیٹ ہیں۔
ریسکیو 1122 کی جانب سے عمارت میں لگنے والی آگ کو تیسرے درجے کی آگ قرار دیا گیا ہے۔