سابق وزیر شیریں مزاری کی صاحبزادی نے ایکس پر اپنی شادی کی تصویر شئیر کرتے ہوئے رشتہ ازدواج میں منسلک ہونے کا اعلان کردیا ہے۔ ایمان مزاری نے تصویر کے ساتھ دل اور انگوٹھی کے ایموجیز شئیر کیے جبکہ ان کے شوہر نے بھی اہلیہ کا ٹوئٹ ری ٹوئٹ کردیا اور ساتھ کیپشن دیا کہ اپنی زندگی کی محبت کے ساتھ شادی کرلی۔
شادی کے موقع پر ایمان مزاری اور ان کے شوہر نے سفید رنگ کا لباس زیب تن کیا۔ دلہن نے سفید کڑھائی والی جارجٹ کی ساڑھی اور دونوں کلائیوں میں سفید پھول جبکہ دولہا نے شلوار قمیص کے ساتھ ویسٹ کورٹ اور کلہ پہنا ہے۔
ایمان مزاری کے شوہر پیشے سے انسانی حقوق کے وکیل ہیں جبکہ ان کے سوشل میڈیا اکاونٹ پر موجود تفصیلات کے مطابق عبد الہادی فیئر ٹرائل ڈیفنڈرز، ادارہ قانونی امدادی سیل کے بانی اور ایگزیکٹو ڈائریکٹر ہیں، انہوں نے قانون کی ڈگری کے ساتھ نیو کیسل لا اسکول سے گریجویش کر رکھا ہے۔