دنیا میں بڑے بڑے امراء موجود ہیں جن کے پاس دھن دولت کے انبار ہیں اور ان کے پاس دنیا کی ہر آسائش موجود ہے تاہم اس کے باوجودبہت کم رئیس لوگ اپنے ذاتی جہاز رکھتے ہیں تاہم دنیا میں ایک ایسا علاقہ بھی ہے جہاں ہر گھر میں ذاتی ہوائی جہاز موجود ہے۔
امریکا کی ریاست کیلیفورنیا میں کیمرون پارک نامی قصبے کی دلچسپ بات تو یہ ہے کہ یہ جہاز گھروں کے باہر ایسے ہی کھڑے رہتے ہیں جس طرح عام طور پر گھروں کے باہر گاڑیاں پارک کی جاتی ہیں۔
اس علاقے کا تاریخی پس منظر یہ ہے کہ اس علاقے میں دوسری جنگ عظیم کے دوران ضرورتاً ہوائی اڈے بنائے گئے تھے جو جنگ کے بعد غیر فعال ہوئے تو حکومت نے انہیں کارآمد بنانے کے لیے ان علاقوں میں ریٹائرڈ فوجیوں کو بسانے کا فیصلہ کیا، اس لئے یہاں کی ہر گلی ایئرپورٹ کا احساس دلاتی ہے اور قصبے میں صرف ریٹائرڈ پائلٹ ہی مقیم ہیں۔
اس قصبے میں اس وقت لگ بھگ 124 گھر ہیں جہاں تقریباً تمام گھروں کے سامنے ہوائی جہاز کی مخصوص پارکنگ موجود ہے اور یہاں وقتاً فوقتاً ہوائی جہاز ٹیک آف اور لینڈ کرتے دکھائی دیتے ہیں اور مشہور ہے کہ یہاں کا ہر رہائشی دفتر جانے اور سودا سلف لانے کیلئے بھی جہاز کا استعمال کرتا ہے۔
تاریخی پس منظر سے یہ انکشاف سامنے آیا کہ دوسری جنگ عظیم کے دوران مختلف خطوں میں ہوائی اڈے بنائے گئے تھے جو جنگ کے بعد غیر فعال ہو گئے، اس لئے حکومت نے ان علاقوں کو ریٹائرڈ فوجیوں کے لیے مختص کرنے کا فیصلہ کیا۔
یہاں ہوائی جہاز کے ٹیک آف اور لینڈنگ کے لیے مخصوص قسم کی سڑکیں بنائی گئی ہیں جبکہ قصبے میں جہازوں کو پارک کرنے کے لیے مخصوص پارکنگ کی جگہ بھی مختص کی گئی ہے۔