اگلے مہینے رمضان کا مبارک مہینہ شروع ہورہا ہے. تب تک کینو کا موسم جاچکا ہوگا. اس لئے آج ہم آپ کو کینو کا اسکواش بنانے کا طریقہ بتا رہے ہیں جس میں کوئی کیمیکل شامل نہیں اور بازار کے مقابلے میں سسستا بھی ہے.
اس کے لیے صرف ایک درجن کینو لیں اور چھلکا اتار کر ان کا جوس نکال لیں. اب 7 سے 8 لیموں کا رس بھی نکال لیں. کینو کے چھلکوں کو اچھی طرح دھو کر ایک دیگچے میں پانی ڈال کر بیچ میں کسی پلیٹ کو پھنسا کر اوپر رکھ دیں. ہمارا مقصد اس کو بھاپ سے نرم کرنا ہے. آدھا گھنٹہ اس کو نرم کر کے چھلکوں کا سفید حصہ اتار دیں. اور چھلکوں کو گرائنڈ کر کے ان کا سارا رس چھان لی
ایک کینو کو چھیل کر اس کی اوپری جلد اور بیج نکال دیں اور گودا الگ کر کے اس کو کینو کے جوس میں ملا دیں. یہ پلپ ہے.
اس رس کو دیگچی میں ڈال کر 4 چمچ چینی ڈال کر پکائیں. پھر ساتھ لیموں اور کینو کا رس بھی ڈال دیں. ایک چمچ کالا نمک اور آدھا چمچ ٹاٹری ڈال کر ایک منٹ تک پکائیں اور چولہا بند کردیں.
لیجیے مزیدار سا اسکواش تیار ہے. کینو کے چھلکوں کی وجہ سے نہ تو آپ کو مصنوعی رنگ ڈالنا پڑا نہ ہی مصنوعی خوشبو استعمال کیا گیا.
اب رمضان میں اسکواش دو چمچ نکالیں اور پانی اور برف ڈال کر استعمال کریں. اس میں چینی الگ سے ڈالنے کی کوئی ضرورت نہیں.