ٹوکیو۔28اپریل (اے پی پی):جاپان کے شہنشاہ نارُوہیتو اور ملکہ ماساکو جون کے اخر میں ریاستی مہمان کے طور پر برطانیہ کا دورہ کریں گے۔ این ایچ کے ، کے مطابق جاپان کے شہنشاہ نارُوہیتو اور ملکہ ماساکو برطانوی بادشاہ چارلس نے انہیں باضابطہ طور پر مدعو کیا ہے۔
شاہی جوڑے کا وہاں تقریباً ایک ہفتہ قیام متوقع ہے۔شہنشاہ اور ملکہ ممکنہ طور پر لندن میں ایک استقبالیہ تقریب میں شرکت کریں گے۔ان کے سابقہ تعلیمی ادارے آکسفورڈ یونیورسٹی کے دورے کے انتظامات بھی کیے جا رہے ہیں۔2019 میں شہنشاہ کے تخت نشین ہونے کے بعد سے برطانیہ کا یہ دورہ، شاہی جوڑے کا تیسرا بیرون ملک دورہ ہو گا۔