عالمی ایوی ایشن کا بڑا ایونٹ دبئی ایئر شو آج سے شروع ہو رہا ہے جہاں دنیا کی جدید ترین جنگی اور کمرشل ہوائی مشینری نمائش میں پیش کی جائے گی۔ اس سال پاکستان ایئر فورس اور اس کے پائلٹس عالمی توجہ کا مرکز ہوں گے۔
ماہرین کے مطابق پاکستانی پائلٹس کی حالیہ فضائی مہارت اور آپریشنل کارکردگی نے عالمی فضائی طاقتوں کی دلچسپی میں اضافہ کیا ہے۔
ایئر شو میں رنگارنگ فضائی کرتب، خصوصی ایئر بیٹس اور مختلف جنگی جہازوں کے مظاہرے بھی ہوں گے جن سے پاکستان ایئر فورس کی صلاحیتیں عالمی سطح پر مزید نمایاں ہوں گی۔
ایونٹ میں چین کا ایئر ڈیفنس سسٹم، پاکستان ایروناٹیکل کمپلیکس ، پاکستان ایروسپیس کونسل اور روسی ایوی ایشن ٹیکنالوجی بھی شریک ہوں گے۔ توقع ہے کہ ایئر شو میں 300 نئے کمرشل طیاروں کے آرڈرز دیے جائیں گے۔