سردیوں میں بال خشک اور بے جان ہوجاتے ہیں. شیمپو کرنے کا کوئی فائدہ ہی نہیں ہوتا کیونکہ نہ تو کوئی اسٹائل بنتا ہے نہ ہی بالوں میں کوئی رونق ہوتی ہے. اس لئے آج ہم آپ کو بالوں کا ایسا ماسک بنانے کا طریقہ بتا رہے ہیں جو خشک موسم میں بھی آپ کے بالوں کو نمی اور لچک دے گا.
اس ہئیر ماسک کو بنانے کیلئے ہمیں چاہیے 1 کپ دہی. اس میں 1 کھانے کا چمچ زیتون کا تیل ملا کر چند قطرے لیموں کے رس کے بھی شامل کرلیں۔
تینوں چیزوں کو مکس کر کے آمیزہ تیار کریں اور اب اس ہیئر ماسک کو 20 منٹ کیلئے سر کی جلداور بالوں پر لگائیں اور پھر بال سادے پانی سے دھو لیں.
بہترین نتائج کے لئے ماسک کو ہفتے میں دو بار استعمال کریں. یہ خشک موسم میں بالوں کی حفاظت کرے گا.