پاکستانی ماڈل متھیرا کار حادثے میں زخمی  

 

ماڈل متھیرا دبئی میں کار حادثے میں بال بال بچ گئیں۔ 26 سالہ متھیرا نے حادثے کی خبر انسٹاگرام پر دیتے ہوئے اپنی تصویر بھی شیئر کی جس میں وہ زخمی حالت میں ہسپتال میں زیر علاج ہیں۔متھیرا نے کہا کہ ان کی کار کو دو ٹرک نے ٹکر ماری تھی تاہم خوش قسمتی سے وہ حادثے میں بال بال بچ گئیں۔ اس کے ساتھ انہوں نے حادثے کا شکار ہونے والی کار کی تصویر بھی شیئر کی جو بہت ہی بری حالت میں ہے۔متھیرا نے اپنے ساتھ کار میں موجود اپنی دوست سارہ کی خیریت کی بھی اطلاع دیتے ہوئے کہا کہ ان کی دوست کی حالت بھی سنبھل رہی ہے۔ اس کے ساتھ ہی انہوں نے اپنے دوستوں کے بارے میں لکھا جنہوں نے اس وقت میں ان کی دیکھ بھال کی۔متھیرا نے حادثے میں بال بال بچ جانے پر خدا کا شکر اداکرتے ہوئے کہا خدا نے مجھے ایک اور زندگی سے نوازا ہے اس کی رحمت ہمیشہ میرے ساتھ ہے۔

YOU MAY ALSO LIKE :