شاہین ایئر انٹرنیشنل نے نئے روٹس پر پروازیں شروع کر دیں

فیصل آباد سے شارجہ کے لیے پہلی پرواز نمبرNL798-799 اور لاہورسے مدینہ کے لیے پہلی پرواز نمبرNL703-704 30اکتوبر، 2017کو کامیابی سے روانہ ہوئیں۔کراچی سے مدینہ کے لیے پرواز نمبرNL707-708 16نومبر ،2017سے جبکہ کراچی سے شارجہ پرواز نمبرNL684-685
17نومبر 2017 سے اور فیصل آباد سے جدہ کے لیے پرواز نمبرNL773-774 18نومبر،2017سے شروع ہوگی۔

اس مبارک موقع پر اپنے خیالات کا اظہار کرتے ہوئے شاہین ایئر انٹرنیشنل کے چیف مارکیٹنگ آفیسر، زوہیب حسن نے کہا،’’شاہین ایئر انٹرنیشنل اپنے مسافروں کو دنیا کے کسی بھی حصے میں آرام دہ سفرکی سہولیات فراہم کرنے کیلئے ملک کے مختلف شہروں میں اپنے پورٹ فولیومیں مسلسل اضافہ کررہی ہے ۔ ہماری مسلسل ترقی تمام تر مشکلات کے باوجود جاری رہی ہے اور مقامی ایوی ایشن انڈسٹری اور اس کے مسافروں کے ساتھ ہمارے عزم کی تصدیق ہے۔‘‘

اس سے قبل، شاہین ایئر انٹرنیشنل اپنے فضائی بیڑے کوچھ ایئر بسوں A319 کی شمولیت کے ذریعے جدیدتقاضوں سے ہم آہنگ کر چکی ہے اور امید ہے کہ ایساایک اور طیارہ 2017 کے آخر تک شامل ہو جائے گا۔