اب کراچی کی مارکیٹ میں ایسا کیمیکل آگیا ہے جو گاڑی چلانے والے افراد کے لئے ٹائر پنکچر ہوجانے کے حوالے سے مددگار ثابت ہوگا۔ اس کیمیکل کی خصوصیت یہ ہے کہ یہ گاڑی کے ٹائرز میں پنکچر کی صورت میں ہونے والے سوراخ کو ٹائر کے اندر ہی بند کردے گا۔
یہ کارآمد کیمیکل ٹائر میں داخل کردیا جاتا ہے اور یہ کیمیکل پنکچر کی صورت میں باریک جگہوں سے نکل کر باہر آتے ہی سخت ہو جاتا ہے۔ جس کے بعد ٹائر میں موجود جتنے بھی پنکچرز ہوں اور ان سے ہوا نکل رہی ہو یہ انہیں بند کر دیتا ہے۔
یہ کیمیکل ٹائر کے ان حصوں کے لئے سب سے زیادہ مفید ہے جہاں سب سے زیادہ پنکچر ہونے کے امکانات موجود ہوتے ہیں۔
اس وقت مارکیٹ میں اس کیمیکل کی بوتل 800 سے 1200 روپے میں فروخت کی جا رہی ہے۔