بھارت نے پاکستان کے 35 یوٹیوب چینلز بلاک کیوں کر دیے؟ جانیٸے

نئی دلی: بھارتی حکومت کی جانب سے پاکستان کے 35 یوٹیوب چینلز اور متعدد سوشل میڈیا اکاؤنٹس بند کردیے گٸے۔ اسی طرح کا ایک ایکشن دسمبر میں بھی لیا گیا تھا جب بھارت نے 20 پاکستانی یوٹیوب چینلز بلاک کر دیے تھے۔ بھارت کی وزارت اطلاعات کے سیکریٹری اپوروا چندرا نے اس حوالے سے پریس کانفرنس میں کہا کہ جن یوٹیوب چینلز کو بند کیا گیا ہے ان کے ویوز کی تعداد 130 کروڑ سے زاٸد تھی۔ یہ پاکستان سے باہر سے آپریٹ کیے جا رہے تھے اور ان کے ذریعے بھارت کے خلاف جھوٹی خبریں پھیلائی جا رہی تھیں۔ اس موقع پر بھارتی وزارت اطلاعات کے جوائنٹ سیکریٹری وکرم سہائے نے بتایا کہ پاکستان سے تعلق رکھنے والے 35 یوٹیوب چینلز کے علاوہ 2 ٹوئٹر ہینڈلز ، 2 انسٹاگرام اکاؤنٹ، دو ویب سائٹس اور ایک فیس بک اکاؤنٹ بھی بلاک کر دیا گیا ہے۔ واضح رہے کہ بھارت نے پاکستان کے بڑے یوٹیوب نیٹ ورک جن میں TALHA (KHOJI TV) FILMS، Apni Dunya Network شامل ہیں، اس کے علاوہ پاکستان کے صحافیوں کو بھی نشانہ بنایا گیا ہے۔