برفباری اسی دیکھنے اور اس سے لطف اندوز ہونا ہر کوئی چاہتا ہے یہی نہیں سب لوگ جانتے ہیں کہ برف سفید رنگ کی ہی ہوتی ہے مگر ایک ایسا گاؤں بھی ہے جہاں کالی برفباری پڑتی ہے، آئیے جانتے ہیں اس کے بارے میں مزید۔
اس گاؤں کا نام اومسو کچن ہے اور یہ روس کے دور دراز علاقے میں واقع ہے ۔یہاں سردیوں میں سیاہ رنگ کی برفباری ہوتی ہے۔ اس کی بڑی وجہ یہ ہے کہ گاؤں میں موجود کوئلہ جلانے والا گرم پانی کا پلانٹ ہے جو 4 ہزار رہائشیوں کو سرد موسم میں حرارت تو فراہم کرتا ہے لیکن ساتھ میں آلودگی کا سبب بھی بن رہا ہے۔
مزید یہ کہ یہاں بھی دیگر علاقوں اور شہروں کی طرح سفید ہی برفباری ہوتی ہے مگر دھویں کی وجہ سے اس پر کالے رنگ کی تہہ جم جا تی ہے۔ تصاویر میں بھی دیکھا جا سکتا ہے کہ علاقے میں ہر طرف کالی برفباری موجود ہے جسے دیکھ کر ہی انسان کو خوف محسوس ہوتا ہے۔
شہریوں کے مطابق حکام کو مسلسل 3 دہائیوں سے شکایات کی جا رہی ہیں تاہم اس کے باوجود بھی کوئی کارروائی نہیں کی جارہی ہے، دوسری جانب ایک مقامی اہلکار کا کہنا ہے کہ ہیٹنگ پلانٹس میں فلٹرز کو اپ گریڈ کرنے کا منصوبہ بنایا جا رہا ہے۔