بچے دو ہی اچھے، یہ بات تو آپ سب نے ہی سنی ہوگی۔ آج کل تو زیادہ تر فیملی پلاننگ پروگرامز بنائے جا رہے ہیں اور زیادہ سے زیادہ لوگ خاندانی منصوبہ بندی کے تحت آگے چل رہے ہیں۔ جس کی سب سے بڑی مثال چائنا کو کہا جاتا ہے۔ چائنا میں 2 چائلڈ پالیسی کا رجحان سب سے زیادہ رہا ہے۔ مگر اب ایک چائنیز کمپنی نے یہ اعلان کیا ہے کہ تیسرا بچہ پیدا ہونے پر 25 لاکھ روپے کا انعام اور ماں کو پورے 1 سال کی چھٹیاں دی جائیں گی۔
تفصیلات کے مطابق
چینی کمپنی ڈابیونک ٹیکنالوجی گروپ نے اپنے ملازمین کو تیسرا بچہ پیدا کرنے پر 25 لاکھ روپے انعام اور ایک سال تک کی چھٹی کا اعلان کیا ہے، اگر ملازم خاتون ہے تو اسے 12 ماہ کی میٹرنٹی چھٹی اور مرد کو 9 دن کی چھٹی ملے گی۔
چینی میڈیا
رپورٹس کے مطابق چین نے بونس کے طور پر بیبی بونس، زیادہ تنخواہ والی چھٹی، ٹیکسوں میں کٹوتی اور بچوں کی پرورش کرنے والی سبسڈی دینے کا اعلان کیا ہے۔ جس کے تحت پیٹرنٹی چھٹی، زچگی کی چھٹی میں توسیع جبکہ شادی کے لیے چھٹی اور پیٹرنٹی چھٹی میں بھی توسیع کی جائے گی۔