20 سال سے سر میں گولی لے کر گھومنے والا شخص ۔۔ لیکن یہ آدمی اتنے عرصے تک کیسے زندہ رہا؟
کسی بھی جاندار کو گولی لگتی ہے تو وہ زخمی ہو جاتا ہے۔ بعض اوقات گولی زیادہ گہرائی میں لگ جائے تو جان جانے کا بھی خطرہ رہتا ہے۔ لیکن ایک ایسا شخص بھی دنیا میں موجود ہے جس کو گولی لگی اور 20 سال تک وہ گولی اس کے سر کے اندر ہی رہی لیکن وہ زندہ رہا۔ اس شخص کا تعلق چین سے ہے۔ تفصیلات کے مطابق 28 سالہ چینی شخص جب ڈاکٹر کے پاس گیا تو اسے معلوم ہوا کہ اس کی کھوپڑی کے اندر بائیں جانب گولی موجود ہے۔ جب ڈاکٹر نے اس سے پوچھا کہ گولی کب لگی تھی تو اس کو ابتدائی طور پر تو کچھ یاد نہ آیا۔ لیکن بعد ازاں اس کو یاد آیا کہ بچپن میں بھائی کے ساتھ ایئرگن سے کھیل رہا تھا اس وقت
اتفاقاً ایئرگن چلی اور گولی میرے سر پر لگی تھی۔
لیکن میں نے اپنے گھر والوں کی ڈانٹ کے ڈر سے کسی کو کچھ نہیں بتایا تھا۔
ڈاکٹروں نے فوری طور پر آپریشن کرتے ہوئے وہ ایئرگن کی گولی اس کے سر سے نکال دی۔