ہندو انتہا پسندوں کے آگے ڈٹ جانے والی بھارتی مسلمان لڑکی کیلئے انعام کا اعلان کر دیا گیا ہے۔ اس انعام کا اعلان جمعیت علمائے ہند کی طرف سے اس باہمت لڑکی کیلئے کیا گیا ہے۔ یہ انعامی رقم 5 لاکھ ہندوستانی روپے بنتی ہے۔
اس لڑکی کا نام مسکان خان ہے جو کہ بھارتی ریاست کرناٹک کے کالج مہاتما گاندھی میموریل کالج اودوپی میں تعلم حاصل کر رہی ہے۔
بھارتی کالج میں ہندو انتہاپسندوں کی جانب سے تنگ کیے جانے پر اسلام کی شہزادی چپ نا رہی اور جوش و خروش سے اللہ اکبر اللہ اکبر کے نعرے لگانا شروع کر د یے۔
یہ واقعہ تب پیش آیا جب وہ کالج میں اپنی اسکوٹی (موٹر سائیکل) پارکنگ میں کھڑی کر کے اپنا اسائنمنٹ جمع کروانے جا رہی تھی۔ بھارتی میڈیا کو انٹرویو دیتے ہوئے مسکان کا کہنا تھا کہ ہندو انتہا پسندوں نے انہیں روکنے کی کوشش کی اور اس کی جانب دیکھ کر گندے اشارے بھی کیے۔
واضح رہے کہ گزشتہ روز پیش آنے والے اس واقعے کی ویڈیو سوشل میڈیا پر وائرل ہوئی جس میں صاف دیکھا جا سکتا ہے کہ لڑکی کو دیکھتے ہی انتہا پسندوں کے جتھے نے جے شری رام کے نعرے لگانا شروع کر دیے۔