دنیا بھر کے مسلمانوں کی پاک زمین سعودی عرب پر یمن کے حوثی باغیوں نے ابہا ائیر پورٹ پر ڈرون حملہ کرنے کی کوشش کی ہے تاہم اسے سیکیورٹی اہلکاروں نے ناکام بنا دیا ہے۔
یمن سے بارودی مواد سے لدا ڈرون سعودی عرب کی جانب آیا جسے سیکورٹی فورسز نے فوراََ مار گرایا۔
سعودی نیوز ایجنسی کے مطابق ابہا ئایر پورٹ پر ڈرون کا ملبہ گرنے سے 12 افراد زخمی ہو گئے، افسوسناک واقعے کی وجہ سے کچھ دیر کیلئے پروازیں معطل کر دی گئیں۔
لیکن پھر سیکورٹی کلیرنس ملنے کے بعد آپریشن بحال کر دیا گیا۔ تفصیلات کے مطابق زخمی ہونے والے لوگوں میں غیر ملکی شہری بھی شامل ہیں۔