خواتین کے ساتھ زیادتی اس لیے ہو رہی ہے کیونکہ وہ حجاب نہیں پہنتی ہیں ۔۔ بھارت میں کانگریس لیڈر پردے کی اہمیت سے متعلق بتاتے ہوئے

بھارت میں پردہ کرنے پر پابندی لگائی جا رہی ہے۔ جس کی وجہ سے ہندو مسلم فسادات بھی جنم لے رہے ہیں۔ بھارتی سیاسی جماعت کانگریس کے لیڈر ایم ایل اے ضمیر احمد نے پریس کانفرنس سے بات کرتے ہوئے کہا کہ:'' دنیا بھر میں سب سے زیادہ خواتین کے ساتھ زیادتی بھارت میں ہوتی ہے۔ یہ سب اسی وجہ سے ہے کیونکہ یہاں عورت حجاب نہیں پہنتی۔ حجاب دراصل عورت کی خوبصورتی کو چھپانے کے لیے پہنا جاتا ہے۔ جس کی وجہ سے محفوظ رہتی ہیں۔ '' انہوں نے مذید کہا کہ:'' لڑکیاں جب بالغ ہوجاتی ہیں تو انہیں اپنی خوبصورتی کو چھپانے کیلئے اپنے چہرے کو گھونگھٹ سے ڈھک لینا چاہیئے۔ قرآن میں پردے کا بارہا حکم دیا گیا ہے۔ عورت کی عزت پردے سے محفوظ رہتی ہے۔'' واضح رہے کہ بھارتی اسکولوں میں مسلمان طالبات کو حجاب کرنے یا برقع پہننے سے روکا جا رہا ہے۔