ہندوستان میں مسلمانوں کیلئے زمین تنگ ہو گئی ہے اب حجاب تنازع کے بعد اذان کا ایک نیا تنازع کھڑا کر دیا گیا ہے۔
ہوا کچھ یوں ہے کہ نوجوانوں نے مسجد کے سامنے ایک عمارت پر لاؤڈ اسپیکر لگا دیے ہیں اور کہا ہے کہ اب جب اذان دی جائے گی وہ بلند آواز میں گانے بجائیں گے۔
یہ واقعہ بھارتی ریاست ریاست مدھیا پردیش کے ضلع رتلام میں پیش آیا ہے۔ اس حوالے سے سماجی رابطے کی ویب سائیٹ ٹویٹر پر ایک ویڈیو بھی منظر عام پر آئی ہےجس میں نوجوان یہی کہہ رہا ہے کہ جب بھی اذان ہوگی۔
تب ہم تیز آواز میں گانے بجائیں گے۔29 سیکنڈ کی یہ ویڈیو 31 جنوری کو شوٹ کی گئی تھی۔
مزید یہ کہ یہ جوان کوئی اور نہیں بلکہ ایک ہندو تنظیم کے کارکن ہیں۔ اور ان نوجوانوں نے راوتی پولیس اسٹیشن جا کر اذان لاؤڈ اسپیکر پر دینے پر پابندی کا مطالبہ کیا تھا۔
جس کے بعد مقامی پولیس نے علاقے میں پہنچ کر مسجد انتظامیہ پر زور دیا کہ وہ اذان لاؤڈ اسپیکر پر نا دیں اور پھر سامنے والی عمارت پر لگے لاؤد اسپیکر بھی ہٹا دیے۔