پاکستان بالخصوص شہر قائد میں میں ڈکیتی کی واردات میں دن بہ دن اضافہ ہوتا جا رہا ہے جس کے باعث ایک عام شہری کے جان و مال خطرے میں پڑ گئی ہے۔

آج کراچی میں ہونے والی ڈکیتی کی واردات کے دوران ڈاکوؤں سے مزاحمت کرتے ہوئے نجی ٹی وی چینل کے پروڈیسر اطہر متین جاں بحق ہوگئے ہیں۔

اس حوالے سے پولیس کی تفتیش جاری ہے اور انہوں نے بتایا ہے کہ واقعہ نارتھ ناظم آباد کی مرکزی شاہراہ پر پیش آیا ہے۔ پولیس کے مطابق موٹر سائیکل سوار ملزمان نے مبینہ طور پر ایک کار نمبر اے ایچ ٹی 180 پر سوار اطہر متین کو روکنے کی کوشش کی۔

واقعہ کیسے پیش آیا؟

کار سوار نے گاڑی روکنے کی بجائے ملزمان کی موٹر سائیکل کو کار سے ٹکر مار دی جس سے وہ گر گئے تاہم ان میں سے ایک ملزم نے پستول سے کار پر تین گولیاں فائر کیں، گولیاں لگنے سےاطہر متین موقع پر ہی جاں بحق ہوگئے جن کی لاش بعد ازاں ایدھی فاؤنڈیشن کے عملے نے اسپتال منتقل کی۔

رپورٹس کے مطابق یہ افسوسناک واقعہ صبح 8 بجکر 29 منٹ پر پيش آيا۔

پولیس کا کہنا ہے کہ صحافی اطہر متین بچوں کو اسکول چھوڑ کر واپس گھر آ رہے تھے، جائے وقوعہ سے 30 بور پستول کی گولی کا ایک خول ملا ہے، انہیں ایک گولی لگی جس سے ان کی موت واقع ہوئی۔

پولیس کا مزید کہنا ہے کہ جائے وقوعہ سے ملزمان کی موٹرسائیکل تحویل میں لے لی ہے،واقعے کی مختلف پہلوں سے تفتیش جاری ہے۔

سینئر پروڈیوسر اطہر متین نجی ٹی وی سماء نیوز میں بطور پروڈیوسر ذمہ داریاں سر انجام دے رہے تھے۔اطہر متین معروف نیوز کاسٹر اور اینکر طارق متین کے بھائی تھے۔ اتھر متین کے پستماندگان میں اہلیہ اور 2 بیٹاں شامل ہیں۔