سوشل میڈیا پر ایسی کئی ویڈیوز دیکھی ہوں گی جس میں حیرت انگیز معلومات موجود ہوتی ہیں۔
ہماری ویب ڈاٹ کام کی اس خبر میں آپ کو ایک ایسی ہی خبر کے بارے میں بتائیں گے۔
امریکی ریاست فلوریڈا کے میامی بیچ پر ایک ایسا حیرت انگیز واقعہ رونما ہوا ہے جس نے سب کو خوف میں مبتلا کر دیا۔
سوشل میڈیا پر وائرل ویڈیو میں ایک ہیلی کاپٹر کو دیکھا جا سکتا ہے جو کہ اچانک نظر آتا ہے اور ساحل پر موجود لوگوں کے پاس گر جاتا ہے۔
میامی بیچ پر اس وقت شہریوں کی بڑی تعداد موجود تھی، جس وقت یہ ہیلی کاپٹر گرا، ویڈیو میں دیکھا جا سکتا ہے کہ پائلٹ نے مہارت سے بے قابو ہیلی کاپٹر کا رخ شہریوں سے موڑ کر سمندر کی جانب کیا۔
پولیس ذرائع کے مطابق ہیلی کاپٹر میں تین افراد سوار تھے، جن میں سے دو افراد کو طبی امداد کے لیے اسپتال منتقل کر دیا گیا ہے، جبکہ موقع پر جانی نقصان کی اطلاعات نہیں ہیں۔