کبھی کبھی انسان غم تو سہہ لیتا ہے لیکن خوشی کی بڑی خبر بھی اس کے لئے جھٹکا ثابت ہوتی ہے ایسا ہی کچھ ہوا ایک 55 سالہ ایرانی قیدی اکبر کے ساتھ جو اپنی پھانسی کی سزا ختم ہونے پر خوشی سے انتقال کرگیا۔
ایرانی میڈیا کے مطابق اکبر کو 18 سال پہلے عدالت نے ایک شخص کے قتل کے جرم میں پھانسی کی سزا سنائی تھی جس کے بعد وہ 18 سالوں سے مقتول کے خاندان والوں سے معافی کی درخواست کرتا رہا۔
لیکن افسوسناک بات یہ ہے کہ جس وقت عدالت نے اکبر کو مقتول کے لواحقین کی جانب سے معافی اور سزائے موت ختم ہونے کی خبر سنائی اسی وقت اسے خوشی سے دل کا دورہ پڑ گیا اور اسپتال پہنچنے کے بعد بھی اس کا انتقال ہوگیا۔