یوکرین میں حاملہ خاتون نے زمین کے نیچے شیلٹر ہوم میں بچے کو جنم دے دیا

یوکرین میں روس کی جانب سے کی جانے والی حالیہ بمباری کی وجہ سے نومولود بچے بھی تکلیف کا شکار ہیں۔ جمعرات کے روز روس کی جانب سے بمباری کی گئی جوکہ ہسپتال کے قریب تھی۔ جہاں نومولود بچوں کا وارڈ تھا جوں ہی اس کے قریب بمباری ہوئی تو حکام اور ہسپتال انتظامیہ نے زمین کے نیچے قائم ایک شیلٹر ہوم میں نومولود بچوں اور حاملہ خواتین کو بحافظت منتقل کر دیا۔ جہاں یوکرین سے حملوں کی دیگر تصاویر اور ویڈوز سوشل میڈیا پر وائرل ہو رہی ہیں وہیں اس بے بی شیلٹر ہوم کی تصاویر بھی شیئر ہو رہی ہیں۔ ایم ایف اے یوکرین نے ٹوئٹر اکاؤنٹ پر خبر شیئر کرتے ہوئے لکھا کہ:'' دارالحکومت کیف میں زیر زمین بنکرز اور اسٹیشنز میں پناہ لینے والی حاملہ خواتین انہی شیلٹرز میں بچے کو جنم دینے پر مجبور ہیں۔ 23 سالہ خاتون نے زمین کے نیچے شیلٹر ہوم میں بچے کو جنم دے دیا۔ بچے اور ماں کی حالت نارمل ہے۔ '' دوسری جانب یوکرینی شہرخیرسون کے میئر کے مطابق جمعے کی رات شہر کے شیلٹرز میں 2 صحت مند بچوں کی ولادت ہوئی تھی۔