اگر کبھی آپ کا فون کھو جائے تو یقیناً آپ بھی اپنے دوستوں اور گھر والوں سے اپنے موبائل پر کال کرنے کے لیے کہتے ہوں گے تاکہ فون کی گھنٹی بجے اور آپ کو اندازہ ہوجائے کہ آپ کا فون کہاں رکھا ہے لیکن اگر آپ کا فون دس بعد اچانک بج اٹھے تو؟
ایسا کچھ ہوا میری لینڈ میں رہنے والی بیکی بیک مین کے ساتھ جن کا فون دس سال بعد اچانک بجنے لگا جسے وہ پہلے تو سمجھ نہیں سکیں لیکن کچھ دیر بعد پتہ چلا کہ وہ آواز ان کے ٹوائلٹ سے آرہی ہے۔
بیکی نے ٹوائلٹ سے عجیب و غریب آواز سن کر اپنے شوہر کو بتایا تو انھوں نے فوراً اسے ٹھیک کرنے کی ٹھانی۔ ٹوئلٹ کھولتے ہیں تو کیا دیکھتے ہیں کہ ان کی بیگم کا آئی فون جو 10 سال پہلے کھو گیا تھا ٹوائلٹ کے پائپ میں پھنسا ہوا ہے۔ بیکی کہتی ہیں کہ 2012 میں ہیلووین نائٹ کے موقع پر ان کا قیمتی آئی فون کھو گیا تھا۔ انھوں نے بہت ڈھونڈا نہیں ملا وہ بس اتنا جانتی تھیں کہ وہ کہیں رکھ کر بھول گئیں ہیں۔
لوگ بیکی کی اس کہانی پر حیران ہیں البتہ فون بجنے کی آواز فون کے آن ہونے کی وجہ سے نہیں بلکہ پائپ میں رکاوٹ کی وجہ سے پیدا ہورہی تھی۔ اتنے سالوں سے پائپ میں پھنسا ہونے کے باوجود آئی فون کی وجہ سے ٹوائلٹ میں کوئی رکاوٹ نہیں پیدا ہوئی البتہ موبائل پر اسکریچز پڑ گئے ہیں