اگرچہ سردی میں وہ شدت تو نہیں رہی لیکن وائرل کی وجہ سے ہونے والا نزلہ اور کھانسی جان نہیں چھوڑ رہے. خاص طور پر کھانسی ایک بار لگ جائے تو اسے ختم کرنا بہت مشکل ہوجاتا ہے.
اس صورتحال میں مہنگی دواؤں کے بے جا استعمال سے اچھا ہے کہ گھریلو ٹوٹکے آزمائے جائیں کیونکہ یہ بے ضرر اور فائدہ مند ہوتے ہیں.
شہد کھانسی اور گلے کی تکالیف دور کرنے کے لئے بہترین ہے جبکہ پیاز میں پایا جانے والا کورسیٹن نزلے اور زکام کے اثرات کو کم کرتا ہے.
ایک پیالی میں 2 بڑا چمچ باریک پسا ہوا پیاز شامل کریں، اس میں 4 بڑے چمچ شہد ڈال کر مکس کریں اور کسی شیشی میں بھر کر محفوظ کرلیں. 6 سے 7 گھنٹے تک ایسے ہی چھوڑ دیں.
اب اس آمیزے کو دن میں 3 سے 4 بار وقفے وقفے سے ایک ایک چمچ استعمال کریں. صرف ایک دن کے استعمال سے ہی واضع فرق محسوس ہوگا.