جانوروں اور پرندوں سے پیار کرنا عام سی بات ہے، کچھ لوگ مختلف جانور اور پرندے پالنے کا شوق رکھتے ہیں لیکن کچھ لوگ اس سے بھی آگے نکل کر معصوم جانداروں سے بات کرنے کا شوق بھی رکھتے ہیں، ایسے ہی ایک پولیس اہلکار کی ویڈیو ان دنوں سوشل میڈیا پر وائرل ہے جس کی آواز سن کر کوے بھاگے آتے ہیں۔
ویڈیو خوبصورت مشہور اداکار احسن خان نے اپنے سوشل میڈیا اکاؤنٹ سے شیئر کی ہے، ویڈیو میں پولیس اہلکارکووں کو پکارتے ہوئے دیکھا جاسکتا ہے۔ویڈیو میں تو پہلے صاف آسمان دِکھایا گیالیکن پولیس اہلکار کی جانب سے منہ سے آوازیں نکالنے پر کچھ ہی دیرمیں آسمان بڑی تعداد میں کووں سے بھر جاتا ہے۔
محسن نامی پولیس اہلکار نے بتایا کہ اسے کووں سے باتیں کرنے کا شوق ہےاور اس کی آواز پر کوے بھاگے آتے ہیں کیونکہ کوے میرے زبان کو سمجھتے ہیں، اس لئے میرے بلانے پر آجاتے ہیں۔
سوشل میڈیا صارفین نے انسان اور پرندوں کے اس خوبصورت رشتے کو بہت سراہااوروائرل اس ویڈیو کو لاکھوں لوگوں نے پسند کیا ہے جبکہ بڑی تعداد میں ویڈیو کو شیئر بھی کیا جارہا ہے۔