کینو کے چھلکوں کو زیادہ سے زیادہ چہرے پر ملنے کے لئے استعمال کیا جاتا ہے مگر ان جادوئی چھلکوں کو حسن میں اضافے کے علاوہ طبی فوائد کے لئے بھی استعمال کیا جاسکتا ہے. ایسا ہی ایک استعمال آج ہم آپ کو بتانے جارہے ہیں جس کے بعد آپ کا ٹیتھ اسکیلنگ کا خرچہ بھی بچے گا اور آپ کے چہرے کی مسکراہٹ بھی سب سے نمایاں ہوگی. کیسے؟ آئیے جانتے ہیں
منجن کیسے بنائیں؟
کینو کے تازے چھلکوں کو چھاؤں میں رکھ کر سکھا لیں. یاد رکھیں کہ دھوپ میں نہیں سکھانا. اس کے بعد انھیں گرائنڈ کر کے پاؤڈر بنا لیں. دوسری طرف 2 تیز پتوں کو گرائنڈ کر لیں. ان دونوں پاؤڈرز کو چھان کر مکس کر لیں اور ان میں سرسوں کا تیل ڈال کر ملا لیں. لیجیے دانت چمکانے والا زبردست منجن تیار ہے.
استعمال کا طریقہ
اب اس منجن کو براہ راست توٹھ برش پر لگا کر دانت صاف کر لیں. اس کے بعد اپنے معمول کے توٹھ پیسٹ سے بھی دانت صاف کر لیں. کینو کے چھلکوں سے بنے منجن سے دانتوں سے پان گٹکے کے سخت سے سخت دھبے بھی صاف ہوجائیں گے.