استحکام پاکستان پارٹی کے سربراہ جہانگیرترین کا سیاست چھوڑنےکا اعلان
’شکست کی ذمہ داری قبول کرتا ہوں‘، امیر جماعت اسلامی سراج الحق مستعفی
موبائل سروس بند ہونے کی وجہ سے الیکشن نتائج میں تاخیر ہوئی: الیکشن کمیشن
قومی اسمبلی: آزاد امیدواروں میں سے تحریک انصاف کے حمایت یافتہ کتنے؟
حکومت کی تشکیل کے لیے جوڑ توڑ حتمی مرحلے میں داخل
پی ٹی آئی کے سابق ایم پی اے راولپنڈی میں فائرنگ میں ہلاکپاکستان تحریک انصاف کے کے سابق ایم پی اے اور حالیہ انتخابات میں این اے 57 اور پی پی 19 سے آزاد امیدوار چوہدری عدنان قاتلانہ حملے میں جان سے گئے ہیں۔پولیس کے مطابق نامعلوم افراد نے جھنڈا چیچی کے قریب چوہدری عدنان پر فائرنگ کی جس میں وہ شدید زخمی ہوگئے۔زخمی ہونے والے چوہدری عدنان کو بے نظیر بھٹو ہسپتال منتقل کیا گیا جہاں وہ دم توڑ گئے ۔چوہدری عدنان 2018 میں پی ٹی آئی کے ٹکٹ پر ایم پی اے منتخب ہوئے تھے۔ 9 مئی کے واقعات کے بعد چوہدری عدنان نے آزاد حیثیت اختیار کر رکھی تھی۔پنجاب اسمبلی کے 7 آزاد ارکان کی مریم نواز سے ملاقات، ن لیگ میں شمولیت کا اعلان
پاکستان مسلم لیگ (ن) کی سینیئر نائب صدر اور چیف آرگنائزر مریم نواز شریف سے 7 نومنتخب ارکان پنجاب اسمبلی نے ملاقات کرکے ن لیگ میں شمولیت کا اعلان کر دیا۔
مسلم لیگ ن کی جانب سے جاری بیان کے مطابق پنجاب اسمبلی کے حلقے پی پی 240 بہاولنگر سے سہیل خان، پی پی 48 سیالکوٹ سے خرم ورک، پی پی 249 احمد پور شرقیہ سے شہزادہ گزین عباسی نے ملاقات مریم نواز سے ملاقات کی۔ملاقات کرنے والوں میں راجن پور سے خضر مزاری، پی پی 96 چنیوٹ سے ذوالفقار علی شاہ، پی پی 49 پسرور سے رانا فیاض اور پی پی 97 چنیوٹ سے ثاقب چدھڑ شامل تھے۔بیان میں کہا گیا ہے کہ مریم نواز شریف نے آزاد ارکان کو مسلم لیگ (ن) میں شمولیت پر مبارک دی اور ان کے فیصلے کا خیرمقدم کیا۔’آپ کا فیصلہ پاکستان کے عوام کی مشکلات کے حل کا ذریعہ بنے گا۔ آپ کا اعتماد عوام کو مہنگائی سے نجات دلانے میں محمد نواز شریف کے ہاتھ مضبوط کرے گا۔‘خیال رہے ن لیگ میں شمولیت اختیار کرنے والے تمام امیدوار آزاد منتخب ہوئے تھے اور یہ پی ٹی آئی کے حمایت یافتہ نہیں تھے۔تفصیلات کے مطابق پی پی 240 سے پاکستان تحریک انصاف کے نامزد آزاد امیدوار اویس اصغر ناکام رہے جبکہ ان کے مقابلے میں آزاد امیدوار محمد سہیل خان 42 ہزار 94 ووٹ کے ساتھ کامیاب قرار پائے۔پی پی 48 سے پاکستان تحریک انصاف کے نامزد آزاد امیدوار احسن عباس ناکام رہے جبکہ آزاد امیدوار خرم خان ورک 47 ہزار 340 ووٹ لے کر کامیاب ہوئے انہوں نے پاکستان مسلم لیگ نون میں شمولیت اختیار کر لی ہے۔پی پی 249 سے پاکستان تحریک انصاف کے نامزد آزاد امیدوار جواد احمد لودھی ناکام رہے جبکہ ان کے مقابلے میں آزاد امیدوار صاحبزادہ محمد غزیان عباسی کامیاب ہوئے۔پی پی 96 سے پاکستان تحریک انصاف کے نامزد آزاد امیدوار حسن جھپا ناکام رہے جبکہ آزاد امیدوار سید ذوالفقار علی شاہ 52721 ووٹ لے کر کامیاب ہوئے۔پی پی 49 سے پاکستان تحریک انصاف کے نامزد آزاد امیدوار منور گل ناکام رہے جبکہ ازاد امیدوار محمد فیاض 48 ہزار 219 ووٹ لے کر کامیاب ہوئے۔پی پی 97 سے پاکستان تحریک انصاف کے نامزد آزاد امیدوار سلیم بی بی ناکام رہی جبکہ آزاد امیدوار محمد ثاقب خان 42959 ووٹ لے کر کامیاب ہوئے۔