اسلام آباد۔27فروری (اے پی پی):پاکستان پیپلزپارٹی کے بانی چیئرمین اور سابق وزیراعظم ذوالفقار علی بھٹو کی پھانسی کے خلاف صدارتی ریفرنس پر چیف جسٹس آف پاکستان جسٹس قاضی فائز عیسیٰ کی سربراہی میں9رکنی لارجر بنچ نے منگل کو سماعت کی ۔
بنچ میں جسٹس سردار طارق مسعود، جسٹس سید منصور علی شاہ ، جسٹس یحییٰ آفریدی، جسٹس امین الدین خان، جسٹس جمال خان مندوخیل، جسٹس محمد علی مظہر، جسٹس حسن اظہر رضوی اور جسٹس مسرت ہلالی شامل تھے۔سماعت کے موقع پر عدالتی معاون جسٹس (ر) منظور احمد ملک نے دلائل دیئے اور عدالت کے سوالات پر جوابات بھی دیئے۔