پیرس۔28فروری (اے پی پی):فرانس میں پاکستان کےسفیر عاصم افتخار احمد نے پیرس میں جاری فرانس انٹرنیشنل ایگریکلچر شو میں شرکت کی جس کا 60ان دنوں واں ایڈیشن جاری ہے۔
پیرس میں پاکستانی سفارتخانہ کے ٹویٹ کے مطابق سفیر نے زراعت اور لائیو سٹاک کے مختلف پیشہ ور افراد کے ساتھ بات چیت کی اور پاکستان کی وفاقی وزارت نیشنل فوڈ سیکورٹی اینڈ ریسرچ کے وفد سے ملاقاتیں کیں جن کا مقصد زرعی شعبے، لائیو سٹاک کی پیداوار، تحقیق اور خصوصی تربیتی پروگراموں میں تعاون کو فروغ دینے کے لیے متنوع روابط پیدا کرنا تھا۔یہاں یہ امر قابل ذکر ہے کہ گزشتہ نصف صدی سے زائد عرصہ سے پیرس انٹرنیشنل ایگریکلچرل شو نہ صرف فرانس بلکہ پوری دنیا میں ایک اہم زرعی تقریب سمجھی جاتی ہے۔ یہ شو فرانس اور اس کے مختلف علاقوں سمیت باقی دنیا سے زرعی مصنوعات اور خدمات ،لائیو سٹاک کی پیداوار اور اس کے متعلق شعبے، فصلوں اور پودوں کے شعبے، باغبانی اور سبزیوں کی کاشت کے شعبہ جات کا بالخصوص اہتمام کرتاہے۔پیرس انٹرنیشنل ایگریکلچر شو 24 فروری سے 3 مارچ 2024 تک پیرس ایکسپو پورٹ ڈی ورسیلز میں منعقد ہو رہا ہے