گھروں میں اکثر اضافی ٹماٹر یا لیموں رکھے رکھے سڑجاتے ہیں جنھیں فوراً ہی پھینک دیا جاتا ہے. اگر آپ بھی ایسا کرتی ہیں تو ٹھہریں کیونکہ آج ہم آپ کو ان خراب اور سڑی گلی سبزیوں کے استعمال کے بہترین طریقے بتائیں گے.
خراب ٹماٹروں کے چھلکے الگ کر کے انھیں ہاتھ کے سے مسل لیں. اب اس میں لیموں کے رس کا نچوڑ کر اچھی طرح مکس کریں .اس مکسچر کو گندے یا پیلے بیسن پر لگا کراسکرب سے رگڑ لیں۔ لیموں اور ٹماٹر کا ایسڈ فوری طور پر چکنائی اور پیلے دھبے کاٹ دے گا اور آپ کا بیسن نئے جیسا ہوجائے گا.
لمبے عرصے تک استعمال کے بعد بالٹیوں اور مگوں پر پانی کے داغ پڑ جاتےہیں. ان کو بھی سڑے ہوئے ٹماٹراورلیموں کی مدد سے نکالنا ممکن ہے. ٹماٹر کو دو ٹکروں میں کاٹ کر اس پر لیموں کو نچوڑ لیں۔ اب ٹماٹر کا ایک ٹکرا لیں اور اسے مگ یا بالٹی پر رگڑیں. سب داغ دھبے دور ہوجائیں گے.
پتیلی میں ایک گلاس پانی گرم کریں. اس میں ان کٹے ہوئے ٹماٹروں کو ڈال کر ابال آنے تک پکائیں اور پھر ان ٹماٹروں کا اچھاسا پیسٹ بنا لیں۔ اس پیسٹ میں لیموں کا رس شامل کر کے مکس کر لیں اور زنگ آلود اشیاء پر لگا کر جونے سے صاف کرلیں.