گزشتہ روز سندھ میں داخل ہونے والے مون سون کے نئے سسٹم کی وجہ سے شہر قائد میں آج بھی تیز بارش کا امکان ہے.
چیف میٹرولوجسٹ سردار سرفراز کا کہنا ہے کہ آج رات سے کراچی میں شدید بارشوں کا امکان ہے جبکہ شہر میں بارش کا سلسلہ آئندہ 3 سے 4 روز تک جاری رہے گا۔ 28 اگست کے بعد مون سون سسٹم میں مزید شدت آنے کا امکان ہے اور اس دوران 150 ملی میٹر تک بارش ہوسکتی ہے.
محکمہ موسمیات کے مطابق ملک کے دیگر شہروں لاہور، اسلام آباد اور بلوچستان کے مختلف علاقوں میں بھی شدید بارشوں کا امکان ہے۔
لاہور میں آج شام اور کل صبح شدید بارش کا امکان ہے، راولپنڈی اور اسلام آباد سمیت بلوچستان کے مختلف علاقوں میں بھی بارش متوقع ہے