"مزیدار نہاری کھانے کے بعد لسی پی کر مزہ دوبالا ہوگیا ہے۔ کراچی کے کھانے بہت اچھے ہیں. گورنر سندھ نے اتنی عزت دی ہے کہ دل نہیں چاہ رہا کہ کراچی سے جاؤں"
یہ کہنا ہے قومی ہیرو اور حال ہی میں پیرس اولمپکس 2024 کے جیولین تھرو مقابلے میں گولڈ میڈل جیتنے والے ایتھلیٹ ارشد ندیم کا جنھیں کراچی میں بھرپور انداز میں خوش آمدید کیا گیا اور خاطر مدارات کی گئی.
گورنر سندھ کامران ٹیسوری نے خود معروف ایتھلیٹ کو خوش آمدید کہا اور عزیز آباد کراچی میں مزیدار نہاری کھلائی۔ دیکھیں ویڈیو
ویڈیو میں گورنر سندھ کو ارشد ندیم کی پلیٹ میں نہاری ڈالتے ہوئے بھی دیکھا جاسکتا ہے.
نہاری سے خاطر تواضع کے بعد کامران ٹیسوری ارشد ندیم کو لسی پلانے برنس روڈ بھی لے گئے.