نواز شریف کی طرف سے عمران خان سے مذاکرات کی کوشش ہو رہی ہے ، بیرسٹر سیف

مشیر اطلاعات خیبر پختونخوا بیرسٹر سیف نے کہا ہے کہ شہباز شریف کو بانی پی ٹی آئی عمران خان کی شکل میں اپنی سیاسی موت نظر آ رہی ہے۔

بیرسٹر سیف نے ایک بیان میں کہا کہ نواز شریف کی طرف سے بانی پی ٹی آئی عمران خان سے مذاکرات کی کوشش ہو رہی ہے۔

مشیر اطلاعات کا کہنا تھا کہ عمران خان کسی بھی ڈیل پر نہیں صرف عوام کیلئے ڈائیلاگ پر یقین رکھتے ہیں، مینڈیٹ چوروں کے آخری دن قریب آ گئے ہیں۔

پارٹی کی سینئر قیادت نے مسلم لیگ ن سے کوئی مذاکرات کیے نہ ہی خواہش ہے،بیرسٹر گوہر

ان کا کہنا تھا کہ ایک بھائی مفاہمت جبکہ دوسرا بھائی 9 مئی کا راگ الاپ رہا ہے، شہباز شریف اپنے حامی وزراء کے ذریعے 9 مئی پر معافی کے بیانات دلوا رہے ہیں۔

انہوں نے کہا کہ نواز شریف مفاہمت کی بات کر کے چوتھی بار وزیراعظم بننے کیلئے کوشش کر رہے ہیں لیکن شہباز شریف انہیں  وزیراعظم نہیں بننے دے رہے، نوازشریف کے سیاسی مفاہمت کے بیانیہ کو شہباز شریف اپنے وزراء کے ذریعے دبا رہے ہیں۔ نواز اور شہباز کی دوریاں خاصی بڑھ چکی ہیں۔

تحریک انصاف سمیت تمام سیاسی جماعتوں سے مذاکرات ہونے چاہئیں ، یوسف رضا گیلانی

بیرسٹر سیف نے کہا کہ دونوں بھائی ذاتی اور سیاسی مفاد کی خاطر لڑ رہے ہیں، آصف زرداری بھائیوں کی لڑائی میں ڈگڈگی بجانے والے کا کردار ادا کر رہا ہے۔