گزشتہ دنوں تیز بارشوں کے بعد اب ایک بار پھر مون سون کا نیا اسپیل ملک بھر میں بارشیں برسانے کو تیار ہے۔ خلیج بنگال سے ہواؤں کا نیا سلسلہ پاکستان میں آج داخل ہو گا۔ جس کے باعث کراچی سمیت سندھ بھر میں آج سے 4 ستمبر تک تیز بارشیں ہوسکتی ہیں۔
اس کے علاوہ اسلام آباد، کشمیر، گلگت بلتستان، خیبر پختونخوا، پنجاب، جنوبی بلوچستان، بالائی و جنوب مشرقی سندھ میں بھی تیز ہواؤں اور گرج چمک کے ساتھ بارشوں کا امکان ہے۔
کراچی
محکمہ موسمیات کے مطابق کراچی کا موجودہ درجہ حرارت 27 ڈگری سینٹی گریڈ ہے جبکہ آج زیادہ سے زیادہ درجہ حرارت 34 ڈگری سینٹی گریڈ تک جانے کا امکان ہے۔ جبکہ مون سون ہواؤں کا نیا سلسلہ آج مشرقی سندھ میں داخل ہوسکتا ہے جو کل شہر بھر میں تیز بارشیں برسا سکتا ہے۔