کارساز واقعے کی ذمہ دار نتاشہ دانش پر یوں تو دفعہ 322 یعنی قتل بالسبب کے تحت مقدمہ درج کیا گیا ہے اور عدالت کی جانب سے 14 روز کے جوڈیشل ریمانڈ پر جیل بھی بھیجا گیا تھا. البتہ حال ہی میں جیل سے وائرل ہونے والی تصاویر دیکھ کر سوشل میڈیا صارفین ایک بار پھر غم و غصے کا شکار ہوگئے ہیں.
تصویر میں دیکھا جاسکتا ہے کہ نتاشہ دانش گھر کا لباس پہنے ہیں. جبکہ ایک تصویر میں وہ پوز دیتے ہوئے مسکرا رہی ہیں. لوگوں کا کہنا ہے کہ دو لوگوں کی جان لینے کے باوجود نتاشہ کے چہرے پر کوئی غم یا شرمندگی نہیں ہے.
جبکہ تصاویر دیکھ کر اندازہ ہوتا ہے کہ ملزمہ کو جیل میں پنکھے کے علاوہ آرام دہ بستر اور یہاں تک کے ٹی وی کی سہولت بھی میسر ہے جبکہ دیوار پر ایک برقعہ بھی ہینگر میں لٹکا ہوا نمایاں ہے۔ جبکہ وائرل تصاویر سے یہ بھی اندازہ لگایا جاسکتا ہے کہ جیل میں کیمرہ والا موبائل بھی موجود ہے.