گزشتہ دو روز سے انٹرنیٹ پر کل 6 ستمبر 2024ء کی عام تعطیل کے حوالے سے ایک
نوٹیفیکیشن تیزی سے گردش کرتا نظر آرہا ہے- تاہم اب وفاقی حکومت کی جانب سے اس
نوٹیفیکیشن کو جعلی قرار دے دیا گیا ہے-
وفاقی حکومت کی جانب سے 6 ستمبر 2024ء بروز جمعہ یومِ دفاع کے موقع پر عام تعطیل کی
خبروں کی تردید کی گئی ہے۔ واضح رہے ہر سال 6 ستمبر کا دن پاکستان میں قومی یومِ
دفاع کے طور خوب جوش و خروش سے منایا جاتا ہے۔
تاہم گزشتہ دو روز سے سوشل میڈیا پلیٹ فارم پر 6 سمتبر کے دن کے حوالے سے ایک عام
تعطیل کے اعلان پر مبنی نوٹیفیکیشن زیرِ گردش تھا۔
وزارتِ اطلاعات کی جانب سے سوشل میڈیا پر 6 ستمبر سے متعلق وائرل جعلی نوٹیفکیشن کے
حوالے سے اعلان کیا گیا ہے۔
وزارتِ اطلاعات نے 6 ستمبر کو یومِ دفاع کے موقع پر عام تعطیل کے حوالے سے سوشل
میڈیا پر زیرِ گردش نوٹیفکیشن کو جعلی قرار دیا ہے۔