معروف بھارتی اداکارائیں اور بہنیں کرشمہ کپور اور کرینہ کپور کی آج کل ایک
خوبصورت ویڈیو سوشل میڈیا پر تیزی سے وائرل ہوتی دکھائی دے رہی ہے-
ویڈیو میں کرشمہ کپور کی جانب سے اپنی پہلی بیٹی کے حوالے سے ایک دلچسپ انکشاف کیا
گیا ہے۔
دونوں کپور بہنوں کی یہ ویڈیو بھارتی ڈانس ریئلٹی شو انڈیا بیسٹ ڈانسر کے سیزن 4 کے
سیٹس سے وائرل ہو رہی ہے۔ کرشمہ کپور اس پروگرام کی جج ہیں، اور اس شو کے دوران ہی
ان کے لیے کرینہ کپور کا خوبصورت ویڈیو پیغام اسکرین پر چلایا گیا۔
ویڈیو پیغام میں اداکارہ کرینہ کپور کا کہنا تھا کہ میرے خیال میں دنیا کے لیے
کرشمہ کپور ہمیشہ سے ایک آئیکون رہی ہیں، اور انہیں ہمیشہ 90ء کی دہائی کی سب سے
بڑی خاتون سپر اسٹار تصور کیا جائے گا-
اس کے علاوہ کرینہ نے اپنے ویڈیو پیغام میں یہ بھی کہا کہ کرشمہ میری بہن، میری ماں
اور سب سے بڑھ کر پوری دنیا میں میری سب سے اچھی دوست ہیں۔ اور میں آج جو کچھ بھی
ہوں انہیں کی وجہ سے ہوں-
دوسری جانب کرشمہ کپور اپنی بہن کرینہ کپور کا یہ پیغام سن کر جذباتی ہوگئیں اور
ساتھ ہی انہوں نے کرینہ کو اپنی پہلی بیٹی بھی قرار دے دیا-
کرشمہ کا کہنا تھا کہ کرینہ میرے نزدیک میری پہلی بیٹی ہے اور مجھے بھی اس پر بہت
فخر ہے٬ مجھے سمجھ نہیں آرہا کہ میں اپنے ممتا کے جذبات کا اظہار کیسے کروں-